Enjoy The Life: April 2011

tark-e-mohabbat kar baiThey hum by Mohsin Naqvi

tark-e-mohabbat kar baiThey hum, zabt-e-mohabbat aur bhi hai
aik qayaamat beet chuki hai, aik qayaamat aur bhi hai

hum nay osi ke dard se apney saans ka rishta jod.r liya
warna shehar maiN zinda rehey ki ik soorat aur bhi hai

Doobta suraj dekh ke Khush ho rehna kisko raas aaya
din ka dukh sehney walooN, raat ki vehshat aur bhi hai

sirf rutooN ke badalney ke saath badaltey rehney par mauqoof nahi
os maiN bacchooN jaisi zid karney ki aadat aur bhi hai

sadyooN baad osey dekha, dil nay phir mehsoos kia
aur bhi gehree chauT lagee hai, dard ki shiddat aur bhi hai

meri bheegtee palkooN par jab os nay donoo haath rakhey
phir yeh bhaid khula in ashkooN ki qeemat aur bhi hai

osko ganva kar "Mohsin" oske dard ka qarz chukana hai
aik azziyat maand pad.ree hai aik azziyaat aur bhi hai !!

kabhi yaad aao to is tarah

kabhi yaad aao to is tarah
ke lahoo ki saree tamaazataiN
tumhaiN dhoop dhoop samaiT laiN
tumhaiN rang rang nikhar daiN
tumhaiN harf harf sooch laiN
tumhaiN dekhney ka jo shouq ho
to diyaar-e-hijar ki teergee !
ko_mijah ki nook se nooch laiN

kabhi yaad aao to is tarah
ke dil-o-nazar maiN utar sakoo
kabhi hud se habs-e-junooN bad.rhey
to havaas bun ke bikhar sakoo
kabhi khul sakoo shab-e-vasal maiN
kabhi Khoon-e-dil maiN sanvar sakoo
sar-e-rehguzar jo milo ..... kabhi
na Thehar sakoo.... na guzar sakoo

mira dard phir se Ghazal buney
kabhi gungunaoo ... to is tarah
mirey zaKhm phir se gulaab hooN
kabhi muskuraoo ..... to is tarah
miri Dhad.rkanaiN bhi laraz uThaiN
kabhi chauT khaoo ..... to is tarah

jo nahi to phir bad.rey shouq se
sabhi rabtey sabhi zaabtey
kabhi dhoop chaooN main tood.r do
na shikast-e-dil ka sitam sahoo
na sunoo kisi ka azaab-e-jaaN
yooNhi Khush phiroo, yooNhi Khush rahoo

na ujad.r sakaiN na sanvar sakaiN
kabhi dil dukhaoo .... to is tarah
na simaT sakaiN na bikhar sakaiN
kabhi bhool jao .... to is tarah
kisi taur jaaN se guzar sakaiN
kabhi yaad aoo .... to is tarah

zikr-e-shab-e-firaq se vehshat osey bhi thee

zikr-e-shab-e-firaq se vehshat osey bhi thee
meri tarah kisi se mohabbat osey bhi thee

mujh ko bhi shouq tha naey chehrooN ki deed ka
rasta badal ke chalney ki aadat osey bhi thi

os raat dair tak voh rahaa mehv-e-guftugoo
masroof maiN bhi kam tha, faraGhat osey bhi thee

sunta tha voh bhi sab se purani kahaniyaaN
taaza rafaqatooN ki zaroorat osey bhi thee

mujh se bichad.r ke shehar maiN ghul mil gaya voh shaKhz
halaaN_ke shehar bhar se raqaabat osey bhi thee

voh mujh se bard.h ke zabt ka aadi tha ji gaya
warna her ek saans qayamaat osey bhi theee

abhi kia kahaiN abhi kia sunaiN

ke sar-e-faseel-e-sukoot-e-jaaN
kuff-e-rooz-o-shab pay sharar numa
voh jo harf harf chiraaGh tha
osey kis hava nay bujha diya

kabhi lab hilaiN_gaiN to poochna

sar-e-shehr-e-aihad-e-visaal-e-dil
voh jo nikhatooN ka hujoom tha
osey dust-e-mauj-e-firaq nay
tah-e-Khaak kab se mila diya

kabhi gul khilaiN_gaiN to poochna

abhi kia kahaiN abhi kia sunaiN
yooNhee KhuvahishooN ke fishaar maiN
kabhi bai_sabub, kabhi bai_Khalul
kahaN kaun kis se bichad.r gaya
kisey kis nay kaisey gaNva diya

kabhi phir milaiN_gain to poochna